Ingabe Ikuphatheleni i-MDC, Njalo Kusizani Ukuyivotela?


Bantu base Bulilima-Mangwe le Mat’South ivoti lenu elathi ngo 2008 lavotela u-MDC lapho kuzwelonke abanye bevotela i-Zanu PF le MDC-T alizange lidlaliseke. Lasebenza ngendlela enkulu. Ewe, kuliqiniso ukuthi akukhange kwabakhona ushintsho olukhulu empilweni zethu ngaphandle kwezinto ezimbili: ukuthi kube nokudla ezitolweni nemali esebenzayo, nokuthi kubekho uMthetho Omkhulu Welizwe omsha, esithi ngesilungu yi-Constitution.

Lo umthetho elawuvotela mhla ziwu 16 March 2013 wenziwa ngamabandla la amathathu aku hulumeni: i-MDC ikhokhelwe ngubaba u-Welshman Ncube, i-MDC-T ka Morgan Tswangirayi, le Zanu PF ka Robert Mugabe. Phakathi kwawo omathathu lawa mabandla kukhona izinto ezazi lwelwa ukuthi zibe khona ku Constitution entsha. Into eyalwelwa kakhulu yi-MDC ikhokhelwe ngubaba u-Welshman Ncube njalo imelwe ngubaba u-Moses Mzila-Ndlovu (MP Bulilima West) lo Edward Mkhosi Moyo (MP Mangwe) yi-Devolution of Power, okusho izinto ezifana nalezi:

· Ukuthi umbuso mawususwe ‘koBambazonke’ (eHarare) uye ezabelweni (amaProvinces) zikwazi ukuzilawula nokuzithathela iinqumo eziphathelane lenqubelaphambili (i-Development). Lokhu sokukhona ku Constitution.

· I-MDC yalwela ukuthi imisebenzi etholakala kumaProvinces ahlukeneyo iye kubantu balawo maProvinces, okusho ukuthi yonk’ imisebenzi yalapha e Mat’South mayiye kubantu bakithi e-Mat’South Province, ingathathwa ngabantu abavela eMashonaland. Nalokhu sokufunjethwe yi Constitution entsha yaseZimbabwe. 

· Okunye okwalwelwa yi-MDC ikhokhelwe ngu Welshman Ncube yikuthi iindimi zonke zakuleli mazibe official, okusho ukuthi kumele zisetshenziswe kuzo zonke iindawo, ikakhulu ema-ofisini kaHulumeni, ezikolweni laku-TV le Radio. Lokhu kusho njalo ukuthi oTishala abafundisa ezikolweni zethu mababe ngabantu bakithi abakhuluma izindimi zethu - TjiKalanga, Tshivenda, Sesotho lesiNdebele - hatshi abakhuluma isiShona esingazwiwa ngabantwabethu.

· Singu-MDC salwelwa njalo ukuthi abantu abasebenza e-ofisini zo-Hulumeni kumbe oTishala mababe ngabantu abakhuluma izindimi zaleyo Province abasebenzela kiyo. Lokhu lakho sokukhona ku Constitution, njalo kugcinela abantwabethu abakhuluma izindimi zethu - TjiKalanga, IsiNdebele, Sesotho and Tshivenda - imisebenzi yase Mat’South Province.

· Okunye esakulwelayo singu-MDC osokukhona ku Constitution yikuthi ama-resources atholakala kuma-Province ahlukeneyo kumele akhiqizwe kulezo Province hatshi eHarare ukuze kudaleke amathuba emisebenzi lapha kithi. Lokhu kusho ukuthi ama-resources ase Mat’South asezophathisa thina, kanti ama-Tender alapha eMat’South aphiwe asomashishini base Mat’South, kuthi namaBhanga akwazi ukupha ama-Loan lapha e-Mat’South hatshi eHarare.

· Silwele njalo ukuthi imali etholakala endaweni zethu ezenza imali ezifana lama-Border e-Plumtree, Mpoengs, Maitengwe le Beitbridge isebenze lapha e-Mat’South ukwakha izikolo, ama-Clinic, imigwaqo nokunye ukunengi, njalo kusebenze abantu bakithi kulawo ma Border hatshi abaseMashonaland.   

· Sibuye salwelwa saphumelela ekuthinini kubekhona inhlanganiso ezimele ebizwa i-National Peace and Reconciliation Commission (NPRC) ezophenya kabanzi ngodlakela lwe-Gukurahundi eminyakeni yo-1982-1987 ukuze labo abaphatheka ekubulaleni abantu bakithi bajeziswe ngendlela efaneleyo, nokuthi singabantu base Matebeleland sivunyelwe ukungcwaba kakuhle izihlobo zethu ngendlela ehloniphekileyo njalo sithole usizo ku-Hulumeni.

Lezi ngezinye nje zezinto esazilweleyo ukuze zibe khona ku Constitution yelizwe, ngeminyaka emihlanu edlule. Njalo sizibona ziyizinto ezibalulekileyo ebantwini bakithi ngoba sazi ukuthi bafuna imisebenzi, bafuna inqubelaphambili, ukuthula, inhlonipho nokuhlaliseka ezweni kungekho udlame. Siyithina esazilwelayo lezi zinto, akukho ukuphikisa ukuthi yithi njalo esingenza ukuthi zigcwaliseke zingabi ngumthetho nje okwi-Constitution. Yingakho kubalulekile ukuvotela i-MDC. 

Votela i-MDC ukuze i-Devolution Ikusebenzele Yenze Impilo Yakho Ibengcono


Njengoba sesishilo ukuthi yi-MDC eyalwela lezizinto esiziqambe ngaphezulu njalo esezikhona ku-Constitution yelizwe le Zimbabwe, kubalulekile ukuvotela i-MDC ukuze zifezeke zingahlali zisephepheni nje. Lokhu sikusho ngegunya elikhulu ngoba sazi ukuthi kuwo wonke la amabandla amathathu akuHulumeni aphethe manje, yi MDC yodwa ikhokhelwe ngu Welshman Ncube eyaba labantu abavela e Matebeleland abasimelayo ezinkulumeni ze Constitution. Laba bantu bekungu baba u-Moses Mzila-Ndlovu (MP Bulilima West) lo Edward Mkhosi Moyo (MP Mangwe). 

I-MDC-T ka Morgan Tswangirayi le Zanu PF ka Robert Mugabe bakhetha abantu baseMashonaland kuphela. Okubuhlungu yikuthi u-Morgan Tswangirayi wenza njengo Mugabe wavalela phandle abaholi bakithi lanxa ibandla lakhe lalivotelwe ngabantu abanengi eMat’North leBulawayo lathola izihlalo ezinengi ePhalamende.

Mqapheleni u-Morgan Tswangirayi le MDC-T Yakhe!


Ibandla lika Tswangirayi i-MDC-T lifuna ukusebenzisa abantu bakithi ukuze lifeze izinfuno zalo beselithi lingathola izihlalo ezinengi e-Phalamende ngathi basivalele ngaphandle njalo basibandlulule njengalokhu asebekwenzile iminyaka emihlanu edlule. Sizabeka phansi izinto ezithile ezikhombisa sobala ukuthi i-MDC-T le Zanu PF yinto yinye ikakhulu lapho okuphatheka khona abantu bakithi e-Matebeleland.

1. U-Tswangirayi, umongameli we MDC-T, wathi ekoBulawayo ngeyiny’ imini wathi yena ukholelwa ukuthi i-Devolution, eyiyo efunwa kakhulu ngabantu baseMatebeleland, izakwenza ilizwe lidabuke phakathi, yingakho akayiboni i-Devolution iyinto enhle. Ngezinye indlela akafuni sizibuse, akafuni ukuthi abantwana bakithi babe yibo abaphatha imisebenzi yase Mat’South, njalo akafuni sithole usizo emalini eyenziwa kuma-Border lama-resources ethu.

2. U-Tswangirayi wavumelana lo Mugabe ukuthi u-Welshman Ncube angabi ngu-Deputy Prime Minister we Zimbabwe lanxa umthetho ukubeke ngaleyo ndlela, kanti lamazwe e-SADC ekuvumile lokho. Njengo-Mugabe ethi ubaba u-Joshua Nkomo wayengumholi wamaNdebele kuphela, no Tswangirayi usho kanjalo ngo Welshman Ncube, ethi akanalo ilungelo lokubusa i-Zimbabwe ngoba engasiyi Shona. Uhamba phambili ngobandlululo lwabantu bakithi u-Morgan Tswangirayi, okuyikho okwadabula phakathi i-MDC ngonyaka ka 2005 idatshulwa nguye m’self, yena osesithi namhlanje sibambane naye!

3. U-Tswangirayi lo nguye njalo owathi ku-Robert Mugabe (nxa sitshelwa ngu Arthur Mutambara esasengumongameli we MDC): “Mandeere anonetsa”, okusho ukuthi “AmaNdebele ayahlupha.” Lamazwi ewakhuluma nje ebeseke akhulunywa ngulo okade engumsekeli kaNobhala-Jikelele we MDC-T u-Gift Chimanikire owathi “Mandeere awandisa mumusangano”, (okusho ukuthi “AmaNdebele semanengi kakhulu enhlanganisweni”), esho i-MDC isabambene ilibandla elilodwa. Lokhu kubonisa sobala inzondo nobandlululo abantu baka MDC-T abalakho kithi singabantu base Matebeleland.

3. Ezinye izinto ezibonisa ukuba ntoyinye kwe MDC-T ka Tswangirayi le Zanu PF kaMugabe yikuthi bonke balodlakela; bonke bobabili abafuni kukhulunywe nge Gukurahundi; bonke bakhuluma ngesiShona lanxa bekhuluma labantu bakithi abangasizwayo; bonke bazonda njalo babandlulula abantu base Matebeleland; njalo abaholi bakithi abavunyelwe ukuphatha izikhundla ezinkulu ezinamandla ku Zanu PF le MDC-T, benziwa oDeputy nje kwaphela. 

Lezi ngezinye zezinto ezikhombisa ukuthi i-MDC-T lomongameli wayo u-Morgan Tswangirayi ngabantu abanjani, njalo yini kumele sibaqaphele singabantu base Bulilima-Mangwe le Mat’South Province. Yibo ke lababantu abathi kumele siyi-MDC sibambane labo ukuze “sikhipe u-Mugabe” sifake u-Tswangirayi, umzukulu ka Mugabe. 

Kumele i-MDC ibambane le MDC-T na ukuze kukhishwe u-Mugabe?


I-MDC-T iphethe ivangeli elithi ebantwini bakithi sibalushwane, ngakho kumele sibambane thina i-MDC le MDC-T elesibongo sikaTswangirayi. Thina ke siyi-MDC sinemibuzo embalwa okumele abantu bakithi bazibuze yona. Ikanje leyo mibuzo:

 1. U-Mugabe simkhipha phi na kwelakithi e-Matebeleland njengoba singakaze samvotela? Bona abamfakayo abaseMashonaland kabamkhipe ngoba thina asikaze simvotele njalo asiz’ukumvotela. Kusukela ngonyaka ka1980 savotela i-ZAPU ikhokhelwe ngubaba u-Joshua Nkomo, asikaze sivotele u-Mugabe le Zanu PF yakhe njalo asiz’ukumvotela kolu khetho oluzayo.

2. Bathi abaka MDC-T “sibalushwane”, okusho ukuthi bona banengi. Pho ma bebanengi bafunani kithi esibalushwane ekukhipheni u-Mugabe lo thina esavele samala kusukela eminyakeni yo 1980? Yini bangaqhubekeli phambili ngobunengi babo eMashonaland bamkhiphe bona abamvotelayo?

Le ngeminye imibuzo esimele sizibuze yona singabantu base Matebeleland South le Bulilima-Mangwe. Indaba yokuthi kuthiwa sibambane ayisebenzi, njalo akula mthetho othi u-Tswangirayi nguye yedwa ongakhipa u-Mugabe esihlalweni. U-Welshman Ncube naye angamkhipha uMugabe njalo uzomkhipha uma simvotela thina bantu baseMatebeleland.

Khona kuyothiwa sisebenzise u-Tswangirayi ukukhipha uMugabe bona befana nje izenzo nenkulumo zabo nendlela abasiphatha ngayo eMatebeleland? Uthi uYesu uSatane angasebenzisa amanye amaDimoni ukukhipha amanye na? Imbuzi iyothi insikazi besekuthiwa induna yona siyibona? Kungembathiswa inja ubuso bembuzi iqunywe umsila besekuthiwa yimbuzi khona? Mqaphelani u-Tswangirayi le MDC-T yakhe nosomangase-mthengisi bakhe laba abathi sibavotela beku-MDC bahlubuka bayongena kwa-Tswangirayi banikezela ivoti lethu eMashonaland ngoba besebenzela uTswangirayi hatshi abantu bakithi. U-Tswangirayi uyefana no Mugabe. Bembathe izingubo zoboya bezimvu kukanti bazimpisi ezizosidla zisibhidlize impilo zethu masingaqaphele!   

VOTELA I-MDC: U-WELSHMAN NCUBE UKUBA NGU PRESIDENT, NABA  MMELI BE MDC UKUBA NGO MP NO KHANSILA KU WARD YAKHO

I-Constitution entsha yelizwe ithi yona i-Party ethole izihlalo kumbe amavoti amanengi ku-Province ethile yiyo ezabusa leyo Province, hatshi leyo ethole izihlalo ezinengi kuzwe lonke. Lokhu kusho ukuthi indaba yokuthi sibalushwane elizweni ayisebenzi. Singaba balushwane e-Zimbabwe kodwa asibalushwane lapha kithi e-Mat’South Province, yithi esibanengi njalo sizozibusa sinjalo.

Akukho isidingeko sokuvotela i-Zanu PF ka Mugabe loba i-MDC-T ka Tswangirayi ngoba bonke befana bengafuni i-Devolution (ukuzibusa kwethu), bengafuni ukuthi abantwabethu bathole imisebenzi endaweni yethu, nokuthi siphathiseke ngama-resources esilawo endaweni zethu kanti nosomashishini bethu paphumelele. Yi-MDC nje qha ikhokhelwe ngu-Welshman Ncube engazenza lezizinto. Sazilwelwa kubhalwa i-Constitution, njalo sizoqhubeka sizilwela. Siyimisela ukulwela abantu bakithi noma kungabe kutheni na.

Sicela ke ivoti lakho mhlobo wethu wase-Bulilima-Mangwe le Mat’South ukuze siwufeze lomsebenzi esawuqala ngo-2008. Amandla awethu bantu bakithi. Sekusedzuze la siyakhona. Votela i-Devolution ngokuvotela i-MDC. Votela ukuthi imisebenzi iye kubantu bakithi ngokuvotela i-MDC. Votela ukuzibusa le-development ngokuvotela i-MDC. Votela u-Welshman Ncube ukuba ngu President. Votela abammeli baka MDC ePhalamende laku Khansili ukuze siwufeze lomsebenzi. Ewe, mkhulu, kodwa sesizofika. Ndaboka. Siyabonga. Ke a leboha.

Comments

Post a Comment

Popular posts from this blog

The Complete List of Nguni Surnames or Clan Names

Following is a list of all Nguni groups in general, including amaZulu, amaHlubi, amaSwati, amaNdebele (north and south) and partly amaXhosa. This list was forwarded to me by e-mail by one Mthombeni in June 2012, stating that they are “all the Nguni” surnames, including Swati, Zulu, Ndebele, and some Shangaan. To avoid tempering too much with the list, I have left it almost as it was sent to me, leaving all the various repetitions in place. Those surnames we already know to be of Bukalanga or are names of animals or body parts are marked with an asterisk (*). They comprise about 3% of the list, and about 2.1% on the Xhosa list, showing a non-Nguni origin.  See The Historiography of Southern Africa: Proceedings of the Experts Meeting held at Gaborone, Botswana from 7 to 11 March, 1977 , “ On the other hand one is struck by the fact that all these other groups observe totems to mark descent, and the Nguni, as a rule, do not ” (Unesco 1980: Online). The list goes as follows: [Please...
Read more

On the Moyo-Lozwi or Rozvi: Are they Kalanga or Shona?

If you tell a lie big enough and keep repeating it, people will eventually come to believe it. The lie can only be maintained for such a time as the State can shield the people from the political, economic and/or military consequences of that lie. It thus becomes vitally important for the State to use all of its powers to repress dissent, for the truth is the mortal enemy of the lie, the truth is the greatest enemy of the State - Joseph Goebbels, Nazi Propaganda Chief. The Questions of Identity - are the Moyo Kalanga or Shona ? One of the biggest questions of identity dogging Zimbabwe today, especially in Matebeleland, the Midlands and the Maswingo Provinces is that of the people that bear the Moyo surname. It is very common to hear the phrase, “vele bonke oMoyo ngama Shona.” Yet on the other hand in Mashonaland and Maswingo, one also hears those Moyo people, the Lozwi, or as they are known there, the Rozvi, arguing that they are a people of Kalanga stock. Of course no c...
Read more

Rebuilding the Great Nation of Bukalanga: The Twelve Tribes of Bukalanga Re-Discovered and Redefined

The Rev. G. H. Cullen Reed of the London Missionary Society station in Bulalima [Bulilima], in Matabeleland, who has labored for some years among the Makalanga of that district writes: In all descriptions of the Makalanga it must be carefully borne in mind that there is no tribe, existing as one, which bears this name, but the people to whom it is applied consist of many tribes having their own peculiar traditions and customs more or less allied, but with considerable differences most confusing to the enquirer - Richard Nicklin Hall and W. G. Neal 1904. The Ancient Ruins of Rhodesia: Monomotapae Imperium. After almost two centuries of subjugation, suppression and distortion of our history, identity, languages and cultures, it is only right that we begin a book of this kind with a redefinition of who we are and what ethnolinguistic groups constitute the Nation that we call Bukalanga. It is no doubt one of the great tragedies of our time that for the 33 years of Zimbabwean history, ...
Read more